Ümummilli liderimiz Heydər Əliyevin anadan olmasının 90 illiyinə həsr edilmiş
“ Mən
azərbaycanlıyam ” adlı yaradıcılıq müsabiqəsinə
"Sevdiyim Böyük Azərbaycanlı!"
“Böyük şəxsiyyətlər yaranır az – az,
Hər yerdə, hər zaman inci tapılmaz”.
"Sevdiyim Böyük Azərbaycanlı!"
“Böyük şəxsiyyətlər yaranır az – az,
Hər yerdə, hər zaman inci tapılmaz”.
S.Vurğun
Azərbaycan torpağı öz xalqına
zaman – zaman böyük şəxsiyyətlər bəxş etmişdir.
Belə şəxsiyyətlərdən biri və birincisi dahi rəhbərimiz, Ümummilli
liderimiz Heydər Əlirza oğlu Əliyev olmuşdur. Onun Azərbaycan xalqı qarşısında
xidmətləri ölçüyə gəlməzdir. Sovetlər birliyi dövründə Azərbaycana dalbadal 15
keçici bayraq bəxş edərək respublikalar arasında Azərbaycanına xüsusi imic
yaradan Vətənin böyük oğlu Heydər Əliyev olmuşdur. Azərbaycan “olum - ölüm”
delemması qarşısında olan zamanda da xilaskarlıq missiyasını öz əzəmətli
çiyinlərinə götürərək xalqı parçalanmaqdan, ölümdən, qandan qurtardı. Müstəqil
Azərbaycan dövlətini qurdu, yaratdı. Onun daxili və xarici siyasəti sayəsində
ölkədə sabitlik yarandı. Bütün sahələrdə İslahatlar aparıldı. Böyük dünya
dövlətləri, şirkətləri ilə müqavilələr
bağlandı. Azərbaycanda iqtisadi və sosial sahələrdə yüksəliş yarandı.
Azərbaycan dünyada tanındı. Azərbaycanlılar dünyada tanındı. Heydər Əliyev
vətənini , millətini, xalqını, canından
artıq sevirdi. Bütün varlığı ilə, ictimai – siyasi fəaliyyətilə, yerişi,
duruşu, oturuşu ilə hamıya nümunə olmuş bənzərsiz şəxsiyyət haqqında, millətin
qürur və güvənc yeri haqqında nə qədər
desən yazmağa dəyər.
Mən bir vətəndaş kimi onun ictimai – siyasi fəaliyyətini izləmiş, ona
heyran olmuşam. Onun iradəsinə, potensial gücünə, zəkasına, insanları
səfərbəretmə qabiliyyətinə, uzaqgörənliyinə, torpağını, millətini, xalqını
sevməsinə, çətin, çıxılmaz məqamlardan mərdliklə, məharətlə çıxmasına həmişə
qürur hissi, fəxrlə baxmışam. Həyatım boyu məndə belə bir fikir formalaşmışdır
ki, dahilər dahisi Heydər Əliyev yer üzündə bənzərsiz bir insan olmuşdur. Bəli,
bənzərsiz. Mən həmişə fəxr etmişəm ki,
Ümummilli liderimizlə bir dövrdə yaşamışam. O dövrün şahidi olmuşam. O çətin
dövrləri mən də böyük ürək ağrısı ilə yaşamışam. Xalqımızın Böyük oğlu o
çətinliklərə sinə gərdikcə, “döyüşdən” qalib çıxdıqca, xalqın məhəbbətini,
hörmətini qazanmışdır. Milli mənəvi dəyərlərin qoruyucusu, müstəqil demokratik
dövlətimizin qurucusu, dünya azərbaycanlılarının güvənc yeri olmuş Heydər Əliyev
demişdir: “Hər bir insan üçün onun milli mənsubiyyəti, onun qürur mənbəyidir.
Mən həmişə fəxr etmişəm, bu gün də fəxr edirəm ki, mən Azərbaycanlıyam!”
Mən də fəxr edirəm ki, yazdığım şeirləri Ümummilli liderə olan hörmət, məhəbbət və
ehtiramımı onun sağlığında özünə, əməllərinə, əbədiyyətə qovuşduqdan sonra əziz
xatirəsinə həsr etmişəm. Onlardan “Ey
mənim xalqımın xilasgar oğlu”, “100 il yaşa”, “Heydər baba”, “Dağ vüqarlı
Heydər baba”, “İlin adamı”, “Alqış”, “Babam”, “Mübarəkdir”, “Xoş gəldin baba”, ”Dua
edirik”, “Oğlunla fəxr elə, ağlama, vətən!
”, ”Dahi rəhbər”, “Böyük oğul”. ”Bəşər unutmaz səni”, “Yaşayacaq adınız”
şeirləridir.
Müsabiqəyə aşağıdakı şeirləri tədqim edirəm:
1. Yaşayacaq adınız.
2. Bəşər unutmaz səni.
3. Böyük oğul.
1. Yaşayacaq adınız.
2. Bəşər unutmaz səni.
3. Böyük oğul.
Yaşayacaq adınız
Millətinin adına
Şərəf, şöhrət gətirdin.
Azərbaycan deyərək.
Ömrü sona yetirdin.
***
Vətəninin adını
Dastan etdin dilində,
Böyük sevgi qazandın
Dünyamızda, elində.
***
Millətin qürur yeri,
Güvənc yeri sən oldun.
Ey millətin atası,
90 yaşa da doldun.
***
Odlar Yurdu ucalır,
Gözəlləşir günbəgün.
Hər beynəlxalq tədbirə
Sahiblik edir bu gün.
***
Arzuların gül açır,
Əməllərin yaşayır.
İlham ata adını
Layiqincə daşıyır.
***
Dünya heyran, mat qalır.
Bu müstəqil dövlətə.
Azərbaycanlı oğlu.
Çatdırıb bu şöhrətə.
***
Azərbaycan və Heydər
Yaşayacaq adınız!
Sizinlə fəxr eləyir.
İndi
hər övladınız.
Böyük öndər önündə dayanmaq da
çətindi,
Sanki döyüşdən çıxıb, o məğrurdu,
mətindi,
Döyüşdə bərkimişdir, poladdandır qolları,
Öz fəhmilə keçmişdir, o, keçilməz
yolları.
***
Tanrı səni yaratdı, adın
Heydər,özün ər,
Bu millətin bəxtinə, adın dillərdə
əzbər.
Sənin böyük ürəyin Azərbaycanla
vurdu,
“Azərbaycan” deyərkən birdən
döyündü, durdu.
***
Üstündəki tər çiçək sanki Göyəzən
dağı,
Ziyarətgah edibdir el bu müqəddəs
bağı.
Adınızla tanındı dövlətimiz
cahanda,
Üçrəngli bayrağımız dalğalandı hər
yanda.
Böyük Oğul görmüşəm, doğma xalqına rəhbər,
Bir ömürdə yaşadı neçə ömrə bərabər.
Keçilməz yollar keçdi, qovdu çəni, dumanı,
Xalqı təhlükədəydi, qalmamışdı gümanı.
Sinəsin sipər etdi, qalxdı Oğul ayağa,
Qəlblərə işıq saçdı, o çevrildi mayağa.
Milləti bölünmədi, ayrılmadı heç yerə,
Sınaqdan qalib çıxdı, qalib oldu min kərə.
Möhkəm ordu yaratdı, müstəqil dövlət qurdu.
Qəlbinin döyüntüsü Azərbaycanla vurdu.
Böyük Oğul bütövdü hər işində, sözündə,
Azərbaycan ucaldı dünyamızın gözündə.
Zöhrə Qara qızı Məhəmmədova.
Sabunçu rayonundakı C.Məmmədyarov adına
Комментариев нет:
Отправить комментарий